महोत्तरी–३ मा जसपा नेपालको चुनावी आह्वान: डा. मिनाक्षी ठाकुरलाई ‘छाता छाप’मा मतदान गर्न अपील

मिति २०८२ साल माघ १३ गते, मंगलवारका दिन जसपा नेपाल महोत्तरी निर्वाचन क्षेत्र नं. ३ अन्तर्गत अगुवा नेता तथा कार्यकर्ताहरूको विशेष भेला सम्पन्न भएको छ। उक्त भेलामा प्रतिनिधि सभा सदस्य उम्मेदवार डा. मिनाक्षी ठाकुर (छाता छाप) लाई मतदान गर्न तथा गराउन सबै मतदाता र आम जनसमुदायलाई हार्दिक अनुरोध गरिएको छ।

भेलामा वक्ताहरूले डा. ठाकुरको शिक्षा, सेवा भावना, जनउत्तरदायी नेतृत्व क्षमता र क्षेत्र विकासप्रतिको प्रतिबद्धताको चर्चा गर्दै उहाँलाई विजयी गराउन सबै तह र तप्काबाट सक्रिय भूमिका खेल्नुपर्नेमा जोड दिएका थिए। स्थानीय विकास, स्वास्थ्य, शिक्षा र सामाजिक न्यायका मुद्दालाई प्राथमिकतामा राखेर अघि बढ्ने प्रतिबद्धता व्यक्त गर्दै जसपा नेपालले महोत्तरी–३ लाई समुन्नत र समृद्ध बनाउने स्पष्ट दृष्टिकोण प्रस्तुत गरेको छ।

कार्यक्रममा सहभागी नेताहरू तथा कार्यकर्ताहरूले घरदैलो अभियान, जनसम्पर्क र जनचेतनामूलक गतिविधिलाई तीव्र बनाउँदै चुनावी माहोललाई थप सशक्त बनाउने निर्णयसमेत गरेका छन्। साथै, लोकतान्त्रिक अभ्यासको सम्मान गर्दै शान्तिपूर्ण, मर्यादित र निष्पक्ष निर्वाचनका लागि सबै पक्षलाई सहयोग गर्न आग्रह गरिएको छ।

डा. मिनाक्षी ठाकुर लाई विजयी गराई महोत्तरी–३ को समग्र विकास र जनहितमा आधारित राजनीतिलाई मजबुत बनाउने उद्देश्यका साथ जसपा नेपालले जनताको साथ र समर्थनको अपेक्षा गरेको छ।