3.8k
Shares
गुल्मी जिल्लाको मुसिकोट नगरपालिका–१, रगनाममा अवस्थित जयबहादुर थापाको गोठ भत्किँदा पाँच वटा पशुचौपाया मृत भएका छन्। ६६ वर्षीय थापाको ढुङ्गा–माटोले बनेको र टिनले छाएको दुईतले कच्ची गोठ अविरल वर्षाका कारण भत्किएको हो।
जिल्ला प्रहरी कार्यालय गुल्मीका प्रहरी नायब उपरीक्षक गङ्गाबहादुर सारुले दिएको जानकारी अनुसार गोठमा रहेका तीन गाई, एक बाच्छा र एक बाख्राको ज्यान गएको छ। घटनास्थलमा पौदी अमराई प्रहरी चौकीबाट प्रहरी नायब निरीक्षक लखनलाल चौधरीको नेतृत्वमा गएको टोलीले घटनाको मुचुल्का उठाइरहेको बताइएको छ।
