ताजा अपडेट
सङ्घीय संसद् मातहतका दुई समितिको बैठक आइतबार बस्दैछ। निर्धारित कार्यक्रमअनुसार पूर्वाधार विकास समिति र विधायन व्यवस्थापन समितिको बैठक आयोजना हुने भएका छन्।
पूर्वाधार विकास समितिको बैठकमा वर्षाका कारण प्रभावित अन्तरदेशीय जोड्ने कोदारी राजमार्ग, रसुवागढीलगायत सडकहरूको अवस्थाबारे छलफल गरिनेछ। त्यस्तै, चाडपर्वको पूर्वसन्ध्यामा सडक यातायात र पूर्वाधारको अवस्थासम्बन्धी विषय पनि बैठकको कार्यसूचीमा राखिएको छ।
उता, विधायन व्यवस्थापन समितिको बैठकमा ‘नेपाल नागरिकता (दोस्रो संशोधन) विधेयक, २०८१’ को मस्यौदा प्रतिवेदनमाथि छलफल हुने तय भएको छ।
